,,Ел іші өнер кеніші" тақырыбында эссе жазу

Өнер қасиетті дүние. Ал ел ішіндегі өнердің құдіретін алтынға теңесек, қателеспейміз. Ата-бабаларымыздан бастау алған өнегелі өнерімізді, қазақ халқының терең ойлы шығармашылығын Тәуелсіз еліміздің төрінде паш ету Елбасының көздеген мақсаттарының бірі. Осы тұрғыда жақында өткен «Ел іші – өнер кеніші» халық шығармашылығының байқауы, ауыл-аймақтардың өнерге деген ықыласын, ұлт мәдениетіне деген ілтипатын байқатты. Байқаудың дәстүрге айналары да сөзсіз.

«Ел іші – өнер кеніші» халық шығар­ма­шылы­ғының байқауы биыл ғана бастау алға­нымен, қатысушылар көп жылдар бойы, кең байтақ жеріміздің түкпір-түк­пірінде дайын­далған секілді. Астанадағы гала-концертке келген көрермен қазақ нақышына келтіріл­ген, сапалы және әдемі мәдени мерекенің куәсі болды. Қазақтың әні мен биі, қолөнері мен дәстүрлерін бір шаңырақ астында жинау Мәдениет және ақпарат министрлігінің үл­кен жетістіктерінің бірі. Байқаудың телеви­зиялық жобаға айналуы да көңілден шығар жаңалық­тың бірі. Өйткені, халық шығар­машылығын қаймағы бұзылмаған қалпында бойында сақ­тап келе жатқан дарынды отандастарымызды тек өз ауылы ғана емес, күллі қазақ жеріне таныстыруға мүмкіндік туғызды. Көк­темде шымылдығын ашқан байқауға еліміз­дің барлық өңірлерінде іріктеу кезеңі өткізі­ліп, үздіктері Елордаға жолдама алды. Жал­пы, халық шығар­ма­шылығының телеви­зия­лық байқауына 600-ден аса өнерпаз қа­тысты. Астана қа­ла­сында өткен гала-кон­цертке ең үздік орындаушылар мен ұжымдар келді. Мәдени мереке байқау ретінде өткенімен, өңірлерден келген өнерлі қыз-жігіттер сахна сыртында бірлесіп ән салып, би билеп, аймақ арасындағы өнер байқауын достық пен ынтымақ мейрамына айналдырды. Шара жобаның алғашқы қадам­дарына қолдау көрсетіп, ат салысып жүрген Мәдениет және ақпарат министрі Дархан Мыңбайдың алғыс сөздерімен басталды. Министр Үкімет басшысы Серік Ахметовтің байқау қатысушыларына жол­даған құттық­тауын жеткізді. Өңірлік сайыста озып шығып, Астана төрінде ат тіреген дарын иелеріне халық шығар­машы­лығы бейнеленген белгі мен арнайы дипломдарды табыс етті. Министр «Ел іші – өнер кеніші» мәдени жобасы­ның басты мақсаты сонау ел-елде, жер-жерлерде жатқан таланттарды дүйім жұрт алдына алып шығу екенін тілге тиек етті. «Олар қашан өсіп, жетіліп, білім алып алды­мыз­ға келеді екен деп емес, біз өзіміз барып іздейік, қолқабыс жасайық. Білім алам дегендеріне білім жағынан көмектесейік, өнер іздеген адамдарға өнер жағынан көмектесейік деген Елбасының тапсырмасы бойынша дүниеге келіп отырғанын хабардар еткім келеді», – деді.

Бұл кеште «Конгресс Холл» сарайы қазақ өнерінің жанкүйер жұртшылығына лық толды.

Ел іші — өнер кеніші» деп, дана халқымыздың ойшылдары бекер айтпаса керек. Қастерлі жердің қара топырағында ер жетіп, бала арманының жүзеге асуын асыға күткен Серікқали Байғалиұлы Көкенов 1964 жылы Шығыс Қазақстан облысы, Үржар ауданы, Қарақол аулында өмірге келген. Қарапайым отбасынан тәлім алған бала Серікқали ауылдағы орта мектепті үздік тәмамдап, ел қатарлы Отан алдындағы борышын өтеу үшін әскерге аттанады. Екі жыл қатарынан әскердегі борышын өтеп келгеннен соң, 1985 жылы Гоголь атындағы Алматы Көркемөнер училищесіне оқуға қабылданады. Жан дүниесі бала кезінен өнерге, оның ішінде қолөнер бұйымдарына ерекше ықылас танытқан ол осы өнер ордасында жүріп, алғашқы дүниелерін жасай бастайды. Аталған училищені 1989 жылы театр-безендіру бөлімі мамандығы бойынша тәмамдайды. Осы уақыттан бастап, Серікқали ағаның өнер жолындағы алғашқы қадамдары басталады. 1990 жылы Серікқали Байғалиұлын «Шеберлер аулы» деп аталатын қолөнер шебері жұмысына тағайындайды. Өз ісінің шебері атанған Серікқали ел ішінде жүрген талантты жастарды қарамағына алып, оларға қастерлі өнердің қыр-сырларын үйретумен болды. Қолынан бұйым жасау қабілетін аңғарған ауыл жастарын өзіне қарай тартып, ұстаздық етумен айналысты.Қазақ халқының ер-тұрмандары, батырларымыздың сауыт-саймандары, қыздарымыз бен әжелеріміз таққан әшекей бұйымдар, тұрмыстық заттардың барлығын «Шеберлер аулынан» тауып алуға болады. Асқан сабырлық пен төзімділікті, қажырлықты қажет ететін өнер атаулының осы түрін жастар жағы тез үйренуде. Тіпті олардың арасынан шағын шеберхана ашып алғандары да бар. «Ежелден келе жатқан, ата дәстүрімізбен біте қайнасып кеткен қолөнер туындыларын жасау мен үшін зор мәртебе. Мұндай бұйымдарды аса бір қызығушылықпен, жұмысқа деген махаббатпен іске асырмасақ, ойлағаныңдай шықпайтыны бар. Әрбір әйел затының әшекейін жасау барысында ұқыптылықпен, ерекше безендірумен бастағанды жөн көрем. Себебі, әйел жаны сондай нәзік және қашанда көрсең сұлулыққа құмар. Сол себептен әр бұйымның өмірге келуі де өзінше қызық екені рас», — дейді шебер.

Алатаудың әсем табиғаты қаншама қазақ баласының өнердегі өресін өрістетіп, арманының асқақтауына қуат беруде. Алыстағы арманы ару қала Алматыда орындалған ауылдың қарадомалақ баласы бүгінде өзін бақытты жандардың қатарына жатқызады. «Шеберлер аулының» бас ұстазы Серікқали Көкеновтың қолынан шыққан төл туындылары Қазақстанның біршама қалаларының көрмелерінде қойылған. Сонымен қатар осы жылы Қазақстанда өткен «Шебер» деп аталатын қолөнер байқауының жүлдегері атанып қана қоймай, «ЮНЕСКО» сапа белгісі бойынша жеңімпаз болған. Тәуелсіздіктің туы желбіреген жазиралы өлкеде тіршілік етіп жатқан Серікқали ағамыздың жұмыс уақыты әдеттегідей өз шеберханасында, шәкірттерінің ортасында өтіп жатыр. Еңселі еліміздің іргетасын қалауда өздігінше үлес қосып жатқан Серікқали Байғалиұлының келешектегі атқарар қыруар жұмыстарына тек сәттілік тілейміз. Халқымыздың ұлттық сипатқа ие төл дүниелерін дамытуда қажырлы еңбегіңіздің жемісін көріңіз!Ел ішінде бес саусағынан өнер тамған шеберлер аз емес. Дана халқымыздың ежелден келе жатқан қолөнер дәстүрі бүгінгі күні жаңаша түрге еніп, қазақы салттың келешегіне сүбелі үлесін қосуда. Ата-әжелеріміздің күнделікті тұрмыстық қолданысына ие болған әшекейлі бұйымдар – қазіргі заманның сұранысын тудырып отырған заттар болып табылады. Елімізде өнер атты өнегелі туындының бұл түрімен айналысатын азаматтар жетерлік. Сондай шебер азаматтардың бірі Көкенов Серікқали ағамыз.

Объяснение:

неше бал қоясың

Вот ответ стоить на фотке и можно лучший ответ ☆☆☆☆☆