8-ТАПСЫРМА. ТӨМЕНДЕГІ АВТОРЛЫҚ КӨЗҚАРАСТЫҢ ТӨҢІРЕГІНДЕ ОЙ БӨЛІСІНДЕР ҚАЗАҚТАР ҰШЫ-ҚИЫРСЫЗ ЖАЛПАҚ ДАЛАДА ҮНЕМІ КӨШІП-ҚОНЫП, ЖЕРІН ҚОРҒАП ЖҮРІП, ӨЗДЕРІНІҢ САЛТ-ДӘСТҮРІ МЕН ТІЛІН, МӘДЕНИ АСЫЛ МҰРАЛА- РЫН МҮЛТІКСІЗ САКТАП КАЛУЫ – ОЛАРДЫҢ ПАТРИОТТЫҒЫ МЕН ЖАУЫНГЕР- ЛІГІНІҢ ЕРЕКШЕЛІК БЕЛГІСІ. (В. В. РАДЛОВ) ОЙБӨЛІСКЕ ҚОЙЫЛАТЫН ТАЛАПТАР: - ТАҚЫРЫПТАН АУЫТҚЫМАУ; - БЕРІЛГЕН УАҚЫТТАН АСЫРМАУ; - СӨЗ ӘДЕБІН САҚТАУ; - КӨПТІК, ТӘУЕЛДІК, ЖІКТІК ЖАЛҒАУЛАРЫН НОРМАҒА САЙ ҚОЛДАНУ; - МӘТІНДЕГІ ДЕРЕКТЕРДІ ПАЙДАЛАНУ; — ӨЗІНДІК ОЙЫ МЕН КӨЗҚАРАСТАРЫН ЖҮЙЕЛІ ЖЕТКІЗУ.

Шалкиіз жас кезінен-ақ ер жүрек жауынгер әрі талантты жырау ретінде даңққа бөленді. Жігіттік шағы Ноғай ордасындағы Мұса бидің маңайында өткен. Кейіннен Үлкен Орданың әміршісі, Мансұрұлы Темір бидің және ноғайлы Жүсіп бидің төңірегінде, өмірінің соңғы кезін қазақ ханы Хақназар маңында өткізді. Жырау туындылары әсерлі, өткір, аз сөзге көп мағына сыйғызған сұлу сазды көркемдігімен ерекшеленеді. Шалкиіз шығармалары ой, мазмұн жағынан қисынды, жүйелі келеді. Мысалы, өлең жолдары бірінде аздау, кейбіреуінде көбірек он бір шумақтан тұратын “Би Темірге айтқаны” толғауын алайық. Кеше ғана Темір би сарайында шалқып жүрген өзі би, өзі батыр атақты жырауды бүгін тағдыр түзге тентіретсе, жыр дүлдүлінің бақ, мансабын көре алмаған орда маңындағы “күйбеңдескен көп жаман” жанындай санап, бек сенген Темір биді бұған қарсы қойса, жырау не демек, өз көңіл-күйін қалай жеткізбек!