6 - тапсырма . Мәтінді оқы . Мәтінге тақырып қой . Ойыңды дәлелде . Үшінші күн дегенде керуенге отырықшы қырғыз руларының басшылары келді . Бізді өздерінің ауыл - ауылдарына таратып әкетті . Ауылға келгеннен кейін біз сәлем беруге ауыл ақсақалының үйіне бардық . Үй иесі құрметпен күтіп алып , Оюлы қара киізге отырғызды . Шырағдан жақты . Қырғыз әйелдері бірнеше ағаш Тостағандарға құйылған кымыз әкелді . Менің жолдасым оларға келтірген жеміс , пүліш , барқыт , моншақтар берді . Кейде олар досыма шағын ойын - сауық кешін ұйымдастыратын . Олардың әнін естіген кезде жолдасым балаша шаттанып , қуанатын . Осылайша , қырғыздар арасында бір айдай тұрдық ...

Қазақ елінің, қазақ жұртының тағдыры сынға түскен тарихи кезеңдерде, алмағайып замандарда әсіресе қазақ оқығандары, ұлт зиялылары жанқиярлық еңбек көрсетті. ұлт болашағын ойлап қам жеген, халқы үшін от пен суға түскен, азап шеккен, керек болса осы мақсатта басын бәйгеге тігіп, жан қиған да осы алаш арыстары болды. әсіресе, ұлттық тәуелсіздік үшін күресте олардың бір жағадан бас, бір жеңнен қол шығарып, тізе біріктіріп, ел санасын оятудағы қыруар еңбегін ешуақытта ұмытуға болмайды. алайда, 1937 жылдың қырғынында осынау қазақтың қаймағы болған арыстарымыз барлығы дерлік қуғын-сүргінге ұшырап, басым көпшілігі ату жазасына кесілді. ажалдан аман қалғандарының өзі ұзақ жылдар бойында ескерусіз қалдырылды. осылайша, қазақ ұлтының бүгінгі жарқын болашағын жақындатуға, оның іргетасын қаласуға сонау өткен хх ғасырдың алғашқы жылдарында аянбай еңбек еткен, қыруар жұмыс жасаған а.байтұрсынов, ә.бөкейханов, м.дулатов, ж.аймауытов, м.шоқай, с.садуақасов, т.рысқұлов т.б. көрнекті мемлекет және қоғам қайраткерлерінің бел ортасында нәзір төреқұловтың да есімі жарқырап көрінеді. алаш идеясы бастарын біріктірген осынау саңлақтарымыздың қоғамдық және саяси өміріміздің әр саласында еңбек етіп, сол арқылы әрқайсысының түптің түбінде ұлттық тәуелсіздігімізге қол жеткізуге әрекет жасағандығын аңғарамыз. мемлекет және қоғам қайраткері нәзір төреқұлов та осы идея үшін күресті, азабы мен абыройы қатар түсіп жатқан, қатал да қатыгез тағдыр кешті. оның өмір жолына қарап отырсақ, қоғамдық және саяси қызметінің барлық белестерінде алдымен ұлтына, туған халқына аянбай көмек беруге ұмтылғанын көреміз. керек болса, осы мақсатта қолына қалам алып ғылыммен, әдебиетпен және журналистік қызметпен де айналысты. соның арқасында қазақ әдебиеті мен өнері үшін, қазақ тіл ғылымы мен баспасөзі үшін, бір сөзбен айтқанда, жалпы қазақ тарихы мен руханияты үшін қаншама құнды дүниелер жазып тастап кетті.