1. Екі мәтіннің айырмашылығын көрсетіңіз 1-мәтін Айырмашылығы Матіннің түрi Мәтіннің стилі Мәтіннің тілдік ерекшелігі 2-мәтін​

«Қазақстанда жасалған» акциясы аясында astana.kz сайтының түсірілім тобы «Астана-Өнім» зауытына барып қайтты. «Астана-Өнім» акционерлік қоғамы 1998 жылы құрылған. Өнеркәсіп асыл тұқымды мал шаруашылығымен, өсімдік шаруашылығымен, жылқы шаруашылығымен, сондай-ақ қымыз, шұбат секілді сүт өнімдерін өндірумен айналысады. Бүгінгі таңда кәсіпорында сүт өнімдерінің 23 түрі шығарылады.

«Астана-Өнім» зауытының жұмысының басты бағыты - мемлекеттік резиденциялар мен басқа да мекемелерге жеткізілетін жоғары сапалы ауыл шаруашылық өнімдерін шығару болып табылады.

Зауыт күн сайын 10 тонна сүт өнімін өндіреді. Өнімнің басым бөлігі резиденциялар, түрлі мекемелер, балабақшалар, ауруханалар, сауда орталықтары мен елорда дүкендеріне тасымалданады.

«Астана-Өнім» АҚ бас директоры Ғалымжан Әбдіхалықовтың айтуынша, өнеркәсіп елордадағы бір супермаркетке орта есеппен күніне 300 литр сүт жеткізеді.

Ғалымжан Әбдіхалықов, «Астана-Өнім» АҚ бас директоры:

«Сіздер бүгін қазіргі заманғы ауыл шаруашылық кластерін көріп отырсыздар. Ол 2014 жылы пайдалануға берілген болатын. Сүт зауыты бұған дейін Мичурино ауылында орналасқан. Қазір Красноярка елді мекенінде, өткізу базасы да осы жерде».

Кәсіпорында қолданылатын барлық қондырғылар Германиядан сатып алынды. Қазіргі уақытта зауытта 303 адам, оның 20-сы сүт өнеркәсібінде жұмыс істейді. Компания жұмысшыларының көбі – жақын маңдағы ауыл тұрғындары.

2004 жылы ҚР Ауыл шаруашылығы министрінің бұйрығымен «Астана-Өнім» АҚ ірі қара мал өсіру бойынша асыл тұқымды мал шаруашылығы статусы берілд