MihailoMK

20.11.2020 20:14

Қазақ тiлi

Есть ответ 👍

Мәтінді мұқият оқып, автордың көзқарасы, ойы, мәтіндегі көтерілген басты тақырып пен идея туралы өз пікіріңізді 4-5 сөйлеммен білдіріңіз
1941 жылдың күзінде панфиловшылар Москваны төсін төсеп қорғауға шықты. Бір гвардеец алты
Гитлершіл бандитқа қарсы тұрды. Жаудың басым күшіне қарсы бұл ұлы ұрысқа бүкіл дүниежүзі назарын
салып отырды. Бұл ұрыста біз жауды жеңіп шықтық. Санымызбен емес, шеберлігімізбен жеңдік, өйткені
Соғыс әдісі жағынан біздің командирлер басым болды. «Білегі жуан бірді жығар» деген қазақ мақалы тегін
айтылмаған.
Солдат біреудің ері, біреудің әкесі. Неміс оның семьясына, бақытына қанды шеңгелін салды. Неміс ОНЫҢ
өзін де елтіргісі келді. Ал, ол адамның өмір сүргісі келеді, өлу үшін емес, өмір сүру үшін ұрысқа шығады.
Неміс, тіпті, жақын жерде тұр, бірақ жауынгер оны әлі жүзбе-жүз көрген жоқ. Онда екі түрлі сезім
қорқыныш сезімі және өзінің борышын атқару сезімі бар. Қиын-қыстау кезеңде ол жаумен өліспей
бітіспейтін ұрысқа шығады. Тап осы жерде оған теңеу табу қиын. Ең жауыз аңдар да ондай қырқыса
алмайды. Қорқыныш сезімі жеңсе қорқақ болғаның, борышыңды атқару сезімі жеңсе батыр
болғаның Командир жауынгерлердің жан сезімін, жүрек сезімін байқап отыратын болу керек. Ол
жауынгерлердің жан сезімі берік болмаса, ең күшті қамалдардың да сақтап қала алмайтынын білетін болу
керек.
Дүниеде қорықпайтын адам болмайды. Екі жарым жыл бойына майданда мен өзім ондай адам көрген
емеспін. Адам туа батыр болмайды, батырлық — жауынгерлік тәрбиеден пайда болады. Бұл тәрбиенің
MEH жорықтағы жауынгерлік өмірде кездескен қиыншылықтар мен ауыртпалықтардың бәрін жеңе білуде,
жүректегі қорқыныш сезімін жеңе білуде.
«Соғыса жүріп үйрен, есейіп, шынық, өлуге асықпа, соғысқа үйрен», — дейтін бізге Иван Васильевич
Панфилов. Бұл данышпандық қағиданы біздің гвардеецтер қазір де берік ұстайды. Ұрыста қаза
тапқандардың орнына келген жаңа жауынгерлер осы қағида бойынша соғысуға үйренеді. Панфиловшы
Гвардеецтер ұрыстарда есіп ержетті, соғыста шын батырлық мектебінен өтіп, шынықты. Біз шын махаббат
пен өшпенділікті сынап көрдік. Өмір үшін күресе біз қорқыныш сезімін жеңуге үйрендік.​