«Елбасы-елдің тұтқасы» деген тақырыпқа эссе жазу. 120-140 сөз

1-желтоқсан Қазақстан Республикасының түкпір-түкпіріндегі мектептерде, әрбір сыныпта Қазақстанның тұңғыш Президентінің мерекесі аталып өтіп жатты. Осы орайда ауданымыздағы білім ордаларының бірі- «Шағын жинақталған Саржыра орталау мектебі» коммуналдық мемлекеттік мекемесінде Қазақстан Республикасының Тұңғыш Президенті күні мерекесіне арналған іс-шаралар ұйымдастырылды. Ашық тәрбие сағатына

5-6 сынып оқушылары үлкен белсенділікпен қатысты. Бұл ашық сабақта Елбасымыз Н. Ә. Назарбаевтың дүниеге келуі, жас сәбиге әжесінің ат қоюы, ержетуі, болашаққа қол созуы, ұшқыштар институтына оқуға түсуі сияқты болашақ елбасымыздың нақты өмірдерегіне құрылған өмір белестерінен оқушылар сахналық көріністер қойып, оны әдемі орындап, көрермендерге шынайы жеткізе білді. Композициялық қойылыммен түрленіп, көрерменін өзіне баурай білген 5-6 сынып оқушылары «Менің Елбасым», «Елі сүйген, елін сүйген», «Менің Президентім» тақырыбындағы өлеңдерді нақышына келтіре мәнерлеп оқып шықты. 5-6 сыныпта өткен ашық тәрбие сағаты қабырға газеттеріне жабыстырылған Елбасының, оның отбасының, жарының, немерелерінің, Елбасының бос уақыттағы күндерінен алынған түрлі-түсті фотолармен айшықтала түсті.

Тұңғыш Президент күніне арналған әдемі кештің жалғасы - «21ғасыр көшбасшысы» интеллектуалдық сайысының көрермендері де көп болды. Шындығын айтқанда танымдық іс-шараларды қамтыған ашық тәрбие сағаты оқушылардың пән білімдерінен алған білім нәтижелерін көрсетіп, жас ұрпақты Елбасыны сүюге, оны құрметтеуге, Отансүйгіштікке тәрбиелеу мақсатында ұйымдастырылуы – кез-келген істе алда жүретін ұстаздар қауымымен, үздік шәкірттердің тағы бір қырын дәлелдеді. Бұл ешкім бойлап бара алмайтын білім айдынындағы қос ұғымға айналған ұстаз, шәкірт арасындағы нәтижелі жұмыс. Сайыс соңында оқушылар сыйлаған мерекелік қойылым да көрермендерге ерекше көңіл-күй сыйлады.

Талантты ұстаз, өнерлі шәкірттер бірлесіп ұйымдастырған бұл апталықта жауапкершілік пен ұйымдастырушылық өз үйлесімін тауып отырды.

Сынып жетекшісі – Бегешова Әсемнің ұйымдастырған ашық сабаққа ұйытқы болып, өнерлі шәкірттерді тәрбиелеп отырған ұстаздар қауымының бұл игі ісі - Елбасыға көрсеткен құрметтері, Отан үшін жасаған қызметтері.

Ашық тәрбие сағаты өтетін орны, безендірілуі, оқушылардың дайындығы, Отанға, Елбасына деген үлкен құрметтің белгісіндей. Ашық тәрбие сағатына үлкен белсенділікпен ат салысып қатысқан оқушылардың ішінен ерекше атап өтуге болатын оқушылар қатарына – Жидайбекова Алуа, Жұмабекова Меруерт, Мұқатаев Аян, Жұмабекова Дильназ, Бәзғалам Нұрай, Қияқова Айғаным, Мұқтасарқызы Ақерке сынды оқушыларды атап өтуге болады.

Мен өз елімнің елбасымен мақтанамын. 21 жыл ішінде атқарған қызметтері де, жеткізген жетістіктері де аз емес. Осы күнге дейінгі алған асуларымыз елбасымыз Нұрсұлтан Әбішұлы Назарбаевтің арқасы. Бейбіт тәуелсіз елде тұруымызға елбасымыз көп қол ұшын созды. Елбасы — ел тілегі, ел тірегі. Астананы аз уақыт арасында гүлдендіріп, жас қала қылды. Мемлекеттің дамуында басым роль атқарды. Дамыған 30 елдің қатарына қосылуды мақсат етті. Жастарға үлгі болу үшін, кітаптарын жарыққа шығарды. Сәби күнінен бастап ақылды, зерек болып өскен елбасымыз қазіргі біздің президентіміз. Тұңғыш президентті халық қалауымен сайладық. «Сенімдімін елдің ертеңіне, Нұрағадай елбасы барда» деген өлең жолдары арқылы өз еліме, жеріме деген махабатты білдіргім келеді.