Мына сөйлемдерді көшіріп, еліктеу сөздердің астын сызып, қай түрі екенін анықта.
Сырт-сырт етіп, жас сүйек сынды. Ауылдағы қара сабалар күмп-күмп пісілді. Ол әуелі сылқ-сылқ күлді. Мылтық тарс етті: Қарға қаңқ етті. Дыбыс құлаққа тарс-тарс естілді. Есік сарт етіліп жабылды. Кешікпей мылтық дауысы гүрс-гүрс шықты. Боз жирен, ала шұбар өтеді ауыздығын қарш-қарш шайнап. Ол жалт етті, от жылт етті. Ол бізге жалт-жалт қарады. Ауылдан малдар маң-маң басып өріске өрді. Кенеттен шыққан дауысқа «Ботакөз» ә деуге үлгермей, күрісін кілт доғарып, жалт қарады.

Қазiр адамзат өз өмiрiн ғарыш­сыз елестете алмайды. 1961 жыл­дың 12 сәуiрiнде Ю.Гагарин алғаш ұшқанда, ешкiм де дәл бүгiнгiдей бәрi мобильдi, бәрiн де ғарыштан бақылауға болатын заманға жете­тiнiн ойламаған болар. Ғарышты игеру өмiрдiң барлық саласына жаңалық әкелдi. Мәселен, ауыл шаруашылығын дамыту керек дейiк. Ол үшiн ауа райының құ­былысы, мал жайылымы, ауыз су­дың жеткiлiктiлiгi бақылануға тиiс. Ал оны бақылау тек ғарыш арқылы жүзеге асады. Бұл пiкiрдi мәжiлiс депутаты Мұрат Әбеновтың сөзiмен түйiндесек: «Чехияда iс-сапарда болдым. Олардың бос жатқан же­рiн көрiп, неге игермейтiнiн сұра­дым. Сонда олар: «Бiздер, Еу­ропа елдерi, «белгiлi бiр дақыл түр­лерiн ғана отырғызамыз» деген келiсiм-шартқа отырдық. Бұл жер – игерiл­меуге тиiс жер, сол үшiн де ақы тө­лейдi» дедi. Қызық көрiп: «Сiз­дердi қайдан бiледi? Берген ақшаны алып, қосымша неге пай­да таппас­қа?» – деп сұрағанымда, «бәрi ғарыштан бақыланады» дедi. Де­мек, дамыған елдер бiр-бiрiмен бәсекелес болмас үшiн шектеу қойған. Егер еккен өнiм өтпей қал­са, ысырап болады. Мiне, ғарыш­тың пайдасы» – дейдi М.Әбенов.