Lesia3081984

25.11.2020 14:08

Қазақ тiлi

Есть ответ 👍

1-нұсқа Оқылым
Мәтінді мұқият оқып, тапсырмаларды орындаңыз.

Ертеде жануарлардың ішінде ең жүйрігі де, сымбаттысы да сиыр болыпты. Келе-келе сиырға менмендік пайда болады.
Бірде ол жайылымда жүрген жылқыға кездесіп:
– Ей, ашқарақ, менің сөзіме құлақ сал. Сен өмірі күйіс қайтармайсың, жетер осы жайылғаның. Менімен жарысасың ба? – дейді.
– Мейлі, жарыссақ жарысайық, - деп жылқы келісімін береді.
Олар өздеріне ыңғайлы жерді белгілейді. Жолдың ортасында суыр жарысқандарға су беріп отырды.
Бірден сиыр шаба жөнеліп, жылқыдан озып кетеді. Орта жолда ол:
– Суыр сасық, су қайда? – дейді көкіректеніп.
– Сиыр пасық, су мұнда – деп ызасы келген суыр сиырға көптен тұрып қалған суды ұсынады. Сиыр қарамастан сіміріп салады да, шауып кетеді. Сиыр бір қыр асып кетеді. Жылқы ентігіп жетіп, суырға:
– Суыр сұңқар, су қайда? – дейді.
– Жылқы тұлпар, су мұнда – деп суыр риза болып жылқыға салқын, таза суды ұсынады.
Салқын су бойын ширатқан жылқы сиырдан озып межеге бұрын жетеді.
Міне, содан бері жылқы баласы сұлу да сымбатты, жүйрік болыпты. Ал сиыр сол оқиғадан соң демігіп жүгіре алмай, шабан жүрісті болып қалған деседі.

1. Мәтін мазмұнына сай ат қойыңыз.
[1]
2. Мәтіннен сын есімдерді тауып жазыңыз.

[3]

3. Берілген сұрақтарға мәтін мазмұны бойынша жауап жазыңыз.

1. Сиыр қандай жануармен жарысады?

[1]

2. Мәтінде қандай жануар сұлу және жүйрік болыпты?

[1]

4. Мәтін бойынша оқиғалардың ретін ажыратыңыз.

I Ертеде жануардың ең сымбаттысы, жүйрігі сиыр болады.
II. Жылқы сиырдан озып кетеді
IІІ.Жылқымен жарысады.

A. II, I,ІІІ
B. ІІІ, II, І
C. I,ІІІ, ІІ
[1]

Жазылым

Берілген суреттерді қолдана отырып, басқа қалада тұратын досыңызға хайуанаттар бағына жасаған саяхатыңыз туралы хат жазыңыз. Хаттың құрылымын сақтаңыз (50-55 сөз).