Жылдар өткен... Жазғытұрым. Басталды бір жаман ырым,

Жаумай жауын жалғыз тамшы,

Ерте солды гүл-бәйшешек,

Еркін өспей қурады шөп,

Етке тиді ауыр қамшы.

Еккен егін өнбей жерге,

Еткен еңбек ұшты желге,

Ел күйзелді ем таба алмай.

Жабырқаған жарлы қауым

Жалбарынды тілеп жауын,

Көк жиектен көзін алмай.

Сезген мұны Толағайда

Сабырсыздық болды пайда,

Ойланады ұзақ түндер:

«Қайтсем жауын жаудырамын,

Ел сусынын қандырамын.

Адал ақыл айтар кімдер?..»

Көп өтпеді. Бір күндері

Шешесіне еркеледі.

Отыр сұрап әр нәрсені... –

Тағы да бар бір сұрауым:

Көп жауады қайда жауын?

Білсең, апа, айтшы, - деді.

Айғақ ете үлкендерді

Апатайы жауап берді:

Деген сөз бар - «тауда тандыр»,

Қарлы, шыңды тау жерінде,

Тарбағатай өңірінде

Үзілмейді жылда жаңбыр.

Екі беті гүл-гүл жанды,

Кідірмеді, жүріп кетті.

Кеудесімен бұлт бөгеген,

Бұлттан жаңбыр себелеген

Асқар тауға келіп жетті.

Таңдап жүріп тау жотасын

Талғай қарап орман, тасын

Тарбағатай үйірінен,

Толағайы тыңдап алды.

Көңілі сүйген бір шатқалды

Ұзақ ырғап бөліп алды

Өркештенген түйінінен,

Басындағы қарын қоса,

Баурындағы аңын қоса,

Шайқап бұлақ, көк орманды,

Күшпен әрең алды дағы,

Арқасына салды дағы

Келген ізбен қайта оралды.

Арқалады ауыр тауды,

Жаншып бара жатыр жанды,

Маңдайдан тер көл боп ақты.

Жеткенше дем алмайын деп,

Жарты жолда қалмайын деп,

Шаршаса да тоқтамапты.

Тау жақындап қалды келіп,

Бұйраланған бұлт өңгеріп

Таңданысты көрген адам.

Әлден кейін танылды анық,

Толағайлап шулап халық,

Қуанбаған қалмады жан.

Құйды жаңбыр, сел боп ақты,

Күн күркіреп, шатырлатты,

Күйген жердің кірді жаны.

Шөлдегендер суға қанды,

Ауыл қайта ажарланды,

Тарқады елдің бір құмары.

Талған дене, жанған өкпе

Келген шыдап сонша көпке,

Ұзақты күн сыр бермеген.

Жетеріне жеткен кезде,

Күн еңкейіп шөккен кезде

Сүрінді алып әлденеден.

Кетті құлап, тұра алмады

Қайта қару қыла алмады.

«Апа», - деді жалғыз ғана.

Тау да басып шөге берді,

Апасы жас төге берді

Отаны үшін өлді бала.

Кім қалды екен егілмеген,

Кім қалды екен төгілмеген

Көз көргеннен Толағайды

Күңіренді де анасындай,

Күн де батты шарасыздай,

Түн қап-қара шашын жайды,

Айсұлудың күрсінгені,

Күрсінгенде алған демі,

Адам тұрсын тауға батты.

Кеуіп қалған қос шандырдан

Күйік сүті шапшып тыңнан –

Кілең аппақ тас боп қатты.

Ауысыпты заман талай,

Аталғалы тау «Толағай»...

Соны үлкендер ертек еткен.

Алыпты тау басып жатқан,

Ана сүтін тас боп қатқан

Көреді әлі өткен-кеткен.

«Толағайдың» төңірегінде,

Толқынданған желмен бірге

Көк теңіздей көк шалғыны.

Алыпты жұрт ардақтайды

Алып атын бір атайды

Жылда, жаңбыр жауған күні.

Тапсырма:Әбілдә Тәжібаевтың "Толағай" өлеңінен үзінді оқып , Сын есімдерді тауып жазыңыздар​

Популярно: Қазақ тiлi

• 

  alinkaalekseev1

  21.04.2023 18:31
  1 тапсырма , суретер бойынша сурактар курастыр.​...
• 

  vikaovcerenko

  12.12.2021 16:31
  Тапсырма 8 только зделать...
• 

  glebborovickov

  17.08.2020 00:42
  Мәтінді оқып, стилінің анықта​...
• 

  aaalino4ka

  26.02.2022 16:49
  Фотосинтез үдерісінің нәтнжесінде не бөлініп шығады​...
• 

  GT3

  12.02.2023 00:33
  Берілген үзіндідегі Сансызбай іс-әрекеті қай эпизодқа сәйкес келетіндігін анықтаңыз...
• 

  altynbekova2003

  13.02.2022 12:54
  Венн диаграмма арқылы   Андронов мәдениеті  және  Беғазы-Дәндібай мәдениеттерінің...
• 

  kicked102

  02.05.2023 02:40
  30. Торкөздерде жасырынған өлең шумағын тауып, жаз. Өлеңді шеңберге алынған «Т»...
• 

  fargustyana

  19.07.2021 08:37
  Сочинение на тему отан отпасынан басталады​...
• 

  Rinaaaaaa

  26.02.2023 07:30
  Биология тжб 5,6,7 тапсрма​...
• 

  nvgaponuk

  13.08.2020 04:17
  Сұрақтарға жауап бер . *ответь на вопросы одним словом* 1. Барыс қандай аңды жеңді...