Адамдарда туыс деген түсінік қашан пайла болды
​

Ғылыми жобалар мен зерттеулер

1-бағыт

«Ұлттық идея – Қазақстанның тұрақты дамуының негізі ретінде» қолданбалы зерттеулер бағдарламасы аясында «Қазіргі заманғы Қазақстан ғылымының негізгі даму бағыттары мен перспективалары» тақырыбы – 2006-2009 жж.

Жобаның жетекшісі – с.ғ.д., профессор Сұлтанбаева Гүлмира Серікбайқызы

Жұмыстың нысаны қазіргі заманғы Қазақстан ғылымының негізгі даму бағыттары болып табылады.

Жұмыстың мақсаты қазіргі заманғы Қазақстанның негізгі ұлттық идеясын қалыптастыруда және тұрақты даму жағдайында қоғамдық-гуманитарлық және рухани-танымдық қауіпсіздігін қамтамасыз етуде маңызды саналатын отандық ғылым жетістіктері мен жетекші ғылыми мектептердің даму тенденцияларын және әлемдік ғылым дамуын сараптау, ғылымның приоритеттері жайлы кепілдемелер дайындау, бұқаралық ақпарат құралдары арқылы қазақстандық маңызды ғылыми зерттеулер мен өңдеулерді насихаттау.

Зерттеу барысында Қазақстанның ғылыми жетістіктері, жетекші ғылыми мектептердің қызметтері, еліміздің даму тенденциялары мен приоритеттері бойынша сараптамалық және практикалық материалдар сарапталып, зерттеу нысаны негізделді.

2008 ж. 14-мамырда «Қазақстанның ұлттық идеясы және БАҚ: келешек приоритеті» тақырыбында халықаралық ғылыми-практикалық конферениця өтті. Пленарлық мәжілісте www.gylymkaz.kz веб-сайтының көрсетілімі өтті.

Отандық ғалымдардың мақалалары туралы электронды мәліметтер базасының бірінші кезеңі дайындалды (Access программасында, 2001-2007 жж. аралығы). Қазақстандық ғылыми зерттеулер мен өңдеулер туралы жариялап отыратын бұқаралық ақпарат құралдарының ақпараттық каталогының алғашқы кезеңі дайындалды. «Хабар» телеарнасында қазақстандық ғылыми зерттеулер нәтижелері туралы 3 тележурнал циклі түсірілді. Республикалық «Жас қазақ» газетінде «Ұлтық идея – Қазақстанның тұрақты дамуының негізі» циклімен мақалалар жариялана бастады.

Ғылыми-зерттеу жұмыстары нәтижесінің практикалық маңызы. Ғылыми зерттеулер жайында нақты және сенімді ақпараттар дерегінен тұратын мәліметтер базасы Қазақстан ғылымы жайында мәліметтер іздестірудің тиімді құралы саналады. Қазақстандағы ғылыми ақпараттарды іздестіру жолдарын жеңілдету мақсатында сайт барлық ғылым бағыттарын қамтиды әрі ғылыми өңдеулерді өндіріске енгізуді көздеген инвесторлар үшін қажетті де маңызды болып саналады.

Зерттеу нәтижелері ҚР мемлекеттік ақпараттық қауіпсіздік, ғылыми-инновациялық ақпарат, журналистика, ғылым тарихы, саясаттану және т.б. салаларда пайдалануға болады.