сашагушцщц

15.10.2020 20:10

Литература

Есть ответ 👍

1. Н і л Г і л е в і ч. Верш «Край мой беларускі, край…». Вызначыць тэматыку верша. Край мой беларускі, край! Дай мне прыгарнуцца, дай! Да твайго ляснога Вераснога долу, Дзе так шчасця многа Выпала на долю, — Дай жа прыгарнуцца, дай! Край мой беларускі, край! Дай ты мне напіцца, дай! Той вады гаючай З той крыніцы вечнай, Дзе ад ран балючых Ты арлоў вылечваў, — Дай жа мне напіцца, дай! Край мой беларускі, край! Дай ты мне паслухаць, дай! Як на лад пявучы Старажытнай мовы Тут гамоняць пушчы, Там шумяць дубровы, — Дай жа мне паслухаць, дай! Край мой беларускі, край! Дай ты мне прайсціся, дай! Па тваіх прасторах, Па шляхах бясконцых, Уначы — пры зорах, Раніцой — пры сонцы, — Дай жа мне прайсціся, дай! Край мой беларускі, край! Дай мне наглядзецца, дай! На твае на пожні, На лугі ды рэчкі, Каб у час апошні Ўзяць з сабой навекі, — Дай жа наглядзецца, дай! 2. Назавіце аўтара верша «Яна адна, зямля вякоў…»… Адкуль Жыццё пачатак брала Шчырай верай. Здалёк відна Зямля бацькоў, Матуль, Дзе песня б'ецца Перапёлкай шэрай. У курганах, Што выраслі з былін, Спачылі З поля подзвігу ратаі. У туманах Тугі спрадвечны клін На гнёзды шчасця Выраі вяртае. Краса ўзышла Аднойчы назаўжды, Закрасавала ў душах I ў паглядах. Прамень святла, Струмень жывой вады Закаласіўся На ачахлых лядах. Світання сцяг Над цемрывам начы Расчырванеўся Радаснаю стомай, I на губах, Крамяна пахнучы, Застаўся яблык Ранішняй аскомай. На смерць ішлі За гэтую зямлю, За гэтую красу, За сцяг світання Сыны зямлі, Каб засланіць раллю, З якой нязломнасць Збажыною ўстане. Пакуль у нас Пяшчотаю матуль I рупнасцю бацькоў Сагрэты далі, Не посвіст куль, А галасы зязюль Лічыць гадоў чароды Не прысталі. 3. “…Я думаў пра дзядзьку Ігната, пра яго дзіўную і такую зразумелую любоў да вёскі, і мне чамусьці было трошкі шкада яго. Я думаў пра тое, што я вось ведаў і горад, і вёску, спаў у будане на лузе і ў нумары гасцініцы, смаліў кабана і ведаў, як сякуць на зіму капусту, курыў ноччу са стомленым шафёрам у таксі і піў на вясковым вяселлі самагонку, спрачаўся пра Хемінгуэя і Ўрубеля, падоўгу прастойваў у залах музеяў, вучыўся ў інстытуце, на канікулах касіў у калгасе, радаваўся, расчароўваўся і каяўся, марыў стаць паэтам, а стаў аспірантам па разраду, як кажуць, прыгожага пісьменства. Але справа не ў гэтым….” Назавіце аўтара і назву твора. Акрэсліце тэму твора. 4. Прачытайце ўрывак з твора. “…Выпускаў Дземідзёнак купленых птушак кіламетры за тры, там, дзе пачынаецца Зінкевічаў луг. Свяціла яркае сонца, булькала ў рэчцы вада. Паветра тут было па-летняму настоена пахам красак, і некранутая яшчэ трава пагойдвалася пад сухім ветрам, і часам здавалася, што недзе на ўзлеску ледзь чутна калоцяцца блакітныя званочкі…» Назавіце аўтара, назву твора, акрэсліце тэматыку твора. Чаму Дземідзёнак купляў і выпускаў купленых птушак? 5. Назавіце апавяданне Івана Навуменкі, якое прысвечана тэме Вялікай Айчыннай вайны. 6. Беларуская паэзія. Назавіце верш, аўтара верша пра каханне. 7. Георгій Марчук. “Давыд-гарадоцкія каноны”. Чаму яны атрымалі такую назву. Колькі ўсяго Канонаў напісаў Георгій Марчук? 8. А л я к с е й Д у д а р а ў. П’еса «Князь Вітаўт». Назавіце сапраўдныя гістарычныя асобы, якія знайшлі адолюстраванне ў гэтым творы. 9. Сучасная беларуская паэзія. Назавіце аўтара, прывядзіце прыклады твораў . 10. Ахарактарызуйце тэматыку сучаснай беларускай паэзіі, прывядзіце прыклады твораў і аўтара твора.