3-тапсырма. Кеңістік, қондырғы, мәлімдеу, ғылыми сөздерінің мағынасын түсіндірме сөздікті пайдаланып түсіндір.
Үйге тапсырма. Сурет бойынша «Ғарыш әлемі» тақырыбында диалог құраңдар.

Жабаев жамбыл (1846-1945) – қазақ халық поэзиясының әйгілі тұлғасы, өлең сөздің дүлдүлі, жырау, жыршы. туған жері – жамбыл облысындағы жамбыл тауының етегі. топырақ бұйырған жері – алматы облысының ұзынағаш елді мекені. шыққан тегі – ұлы жүз шапырашты тайпасының ішіндегі екей руы. жамбылдың өсіп-өнген топырағында ән-күй, ақындық –жыраулық өнер айрықша биікке көтерілген. м. әуезовтың «қазақ халқында ерекше ған айтыс өнері хіх ғасырдан бергі жерде өзге жерлерде саябырсып, жетісу, оңтүстік өлкелерінде шоғырлана бастайды» деуінде үлкен тарихи себеп бар. біріншіден, қазақстанның өзге өңірлерін ертерек шарпыған отаршылдық ел ішінің дәстүрлі қалпына өктемдігін жүргізіп, шырқын бұзып үлгергенде, жетісу алабы әзірше қағаберісте еді. екншіден, бұл өңірдің ертеден тамырын тереңге жайған өнерпаздық дәстүрі шын мәнінде хіх ғасырдан бергі жерде айрықша биік өреге көтеріліп еді. осы кезеңде жетісуға сонау арқадан ұлы абайдың келуі, біржан, шашубай, шолақ сияқты дауылпаз әнші-ақындардың келуі, таластан – жалайыр түбектің келуі, оңтүстіктен – майкөт пен майлықожаның келуі, атыраудан – құрманғазының келуі, сөз жоқ, ең алдымен олардың алыстан жаңғырығы жеткен ұлы өнер мектебіне деген ұмтылыстарына байланысты еді.