89280214745B

03.03.2021 08:27

Литература

Есть ответ 👍

переведите со старо-славянского языка "сказание о смерти олега от коня"
вот текст:
вот текст:
и живяше олегъ миръ имеа ко всем странамъ,
княжа в киеве. и приспе осень, и помяну олегъ конь свой, иже бе поставил
кормити и не вседати на нь. бе бо въпрашал волъхвовъ и кудесникъ: "от
чего ми есть умрети? " и рече ему кудесник один: "княже! конь, его же
любиши и ездиши на нем, от того ти умрети". олег же приим во уме, си
рече: "николи же всяду на нь, ни вижю его боле того". и повеле кормити и
и не водити его к нему, и пребы неколико лет не виде его, дондеже на
грекы иде. и пришедшу ему кыеву и пребывьшю 4 лета, на пятое лето помяну
конь, от него же бяхуть рекли волсви умрети. и призва старейшину
конюхом, рече: "кде есть конь мъй, его же бех поставил кормити и блюсти
его? " он же рече: "умерлъ есть". олег же посмеася и укори кудесника,
река: "то ти неправо глаголють волъсви, но все то льжа есть: конь умерлъ
есть, а я живъ". и повеле оседлати конь: "а то вижю кости его". и
прииде на место, идеже беша лежаще кости его голы и лобъ голъ, и сседе с
коня, и посмеяся рече: " от сего ли лба смьрть было взяти мне? " и
въступи ногою на лобъ; и выникнувши змиа изо лба, и уклюну в ногу. и с
того разболеся и умре. и плакашася людие вси плачем великим, и несоша и
погребоша его на горе, еже глаголеться щековица; есть же могила его и до
сего дни, словеть могыла ольгова. и бысть всьх льт княжениа его 33.