Написать эссе по казахскому языку на тему менің сүйікті ертегім

үш қыз.

(татар халық ертегісі)

                ерте заманда бір әйелдің үш қызы болыпты. қиыншылыққа қарамай, күні-түні еңбектеніп, олрады елден кем қылмапты. үш қыз да бірінен-бірі асқан әдемі, сұлу болыпты. уақыт өтіп, қыздар өсіп, бойжетіп, кезегімен күйеуге шығып, жан-жаққа кетіп, аналары жалғыз қалыпты.

                көп жылдар өткен соң аналары қартайып, ауырып жатып қалады. қатты ауырған әйел жақын маңдағы орманда тұратын сары тиінді шақырып, мөтініш жасайды.

-                  тиін, тиін, маған қыздарымды шақырып берші!

сары тиін қыздарын іздеп кетеді. тиін үлкен қыздың үйіне келіп, терезесін қағып:

-                  аналарың қатты ауырып жатыр, тез жет! -дейді.

-                  әттеген-ай! мен барар едім, бірақ мына екі шараны тазалауым керек, -деп алдындағы шараларды көрсетеді.

-                  анаңнан саған шаралар қымбат болғаны ма? -деп сары тиін ашуланады. олай болса, әрқашанда шараларыңнан айырылмай жүр!

тиін осы сөзді айтқаны сол екен, қос шара қыздың денесіне жабысып, үлкен тасбақаға айналдырып жібереді.

                сиқыршы сары тиін әйелдің ортаншы қызына барады.

-                  аналарың қатты ауырып жатыр, тез жет! -дейді.

-                  қап! мен қазір-ақ барар едім. бірақ жәрмеңкеге әдемі тоқыма дайындап үлгеруім керек, -деп ортаншы қызы жауап береді.

ашуланған сары тиін.

-                  саған анаңнан тоқыма қымбат болса, өмір бойы тоқыма тоқы,-деп өрмекшіге айналдырып жібереді.

сиқырлы сары тиін әйелдің үлкен екі қызына көңілі толмай, ренжіп, үшінші кенже қызына келеді.

-                  анаң қатты ауырып жатыр, тез жет! - деп сары тиіннің айтқаны сол еді, кіші қызы илеп жатқан нанын қоя салып, былғанған қолымен анасына жүгіріп кетеді.

-                  сенің жүрегің қандай жұмсақ! саған да әрқашан қайырымды болсын! өмірің ұзақ болсын! бақытты бол! жасаған жақсылығың ұмытылмасын! сені әрқашан құрметтеп, жақсы көрсін! -деп сары тиін қызға алғысын білдіреді.

сөйтіп әлгі әйелдің кенже қызы көп уақыт бақытты өмір кешті. сары тиін оны ілігіне, қамқорлығына қарай еңбекқор араға айналдырады. содан бері араның алдыңғы екі аяғы әрқашанда тәтті ға малынып, жүрген жеріне шаттық пен қуаныш сыйлайды екен.